Web Ref No RL2757

Hierdie Wildsplaas is gelee 6 km buite Coockhouse teen die hoofpad na Cradock.

Die plaas bestaan uit net een kamp wat omhein is met 'n 2.4m wildsdraad. Die draad is in 'n puik toestand. Die plaas bestaan uit gedeelte vlakte en gedeelte bergveld. Daar is geen Eskom krag op plaas nie.

Water word verkry vanuit twee boorgate waarvan een met 'n sonpomp toegerus is. Die ander boorgat is nie toegerus nie. Verder is daar vier grond damme en twee sement damme.

Daar is 'n primitiewe Jagtershuis met drie slaapkamers, badkamer met stort, bad, wasbak en toilet en 'n vertrek wat die sitkamer en braaikamer uitmaak. Die warm water kom van donkie af.

Verder is daar twee werkershuise, 'n stoor en 'n koelkamer wat in volle werkende toestand is. 'n Kragopwekker voorsien die koelkamer van krag. Daar is ook 'n skadunet hok om wild in op te hang om af te droog voordat dit in die koelkamer gehang word.

Die weiding op die plaas is rooigras, smitsfinger en bossieveld. Daar is 'n groot verskeidenheid van bome wat baie ruig is teen berg. Die volgende bome word daar aangetref - pruim, spekbos, olien, nieshout, quarrie, boerbone, soetdoring en kiepersol.

Die plaas word met al die wild op verkoop.

Wildsoorte is soos volg met plus minus getalle:
Kudu - 80
Rooibokke - 60
Waterbokke - 20
Swartwitpens - 20
Elande - 8
Njala - 2
Bosbok, Takbok, Rooiribbok, Duiker en Vlakvarke.

Daar is twee werkers op die plaas. Hulle kan oorgeneem word sou die koper belang stel andersins sal die verkoper hulle na sy plaas verskuif.