Web Ref No RL5830

VEILING: DINSDAG 27 MEI 2025
TYD: 11H00
VEILING; WOENSDAG 28 MEI 2025
TYD: 11H00
PLEK: Aanlyn en Op die perseel - Plaas BRAKLAAGTE, distrik VENTERSBURG en aanlyn by SWIFTVEE
BESIGTIGING: Per afspraak

27 Mei 2025 | 11:00
Die 4 verskillende afdelings van die plaas sal afsonderlik en dan gesamentlik opgeveil word. Dan sal die Veeveiling daarna plaasvind.

28 Mei 2025 | 11:00
Veiling van voertuie, implemente ens.

Voorafbesigtiging van die los items vind plaas op 21, 22, 23 en 24 Mei 2025 van 08h00 tot 16h00.


VIR VOLLEDIGE LYS EN FOTOS VAN IMPLEMENTE: KONTAK ONS AGENTE OF ONS KANTOOR VIR MEER BESONDERHEDE

EIENDOM:

DEEL 1

(BEKEND AS BASKOP)

Ptn 0 Re of Farm 215 BASKOP - 428,6807 ha
Ptn 0 Re of Farm 556 DAMPLAATS - 70,8423 ha
Ptn 0 Farm 345 VRYHEID - 70,8423 ha

Totale grootte: 570,3653 ha

Vanaf Winburg, net voor Ventersburg, draai vanaf die N1 na die plaas.

Ongeveer 4 ha besproeiing uit die spruit wat die grens van Deel 1 vorm, en ongeveer 10 ha droelande. Die plaas is wildwerend omhein met binnekampe en geskik vir bees- of wildboerdery.

Daar is 'n koppie op die plaas, asook mooi natuurlike vlei- en rooigrasweidings. Die infrastruktuur, soos hekke en drade, is uitstekend. Daar is een arbeidershuis op die plaas, sowel as uitstekende veehanteringsgeriewe. Die plaas het 13 kampe, 15 waterkrippe, 3 gronddamme, 2 windpompe en 3 sementdamme. Daar is ook 1 dompelpomp, 1 sonpomp, 3 watertenks en 1 kraal. Die heinings is 2,4 m hoog en feitlik nuut, met baie goeie hekke. 11 kampe is links van die N1 en 2 kampe is regs.

Besproeiing uit die spruit, met 'n keerwal binne-in, maak besproeiing standhoudend. Sien kaart van plaas Baskop.

Drakrag: 1/5 GVE
Jaarlikse reenval: 550-600 mm
Veehanteringsgeriewe: Een stel pypkrale met 'n laaibank

Sien kaart en kontak die agente vir video en meer inligting.

DEEL 2

(BEKEND AS FLORIDA)

Ptn 0 Farm 412 FLORIDA - 256,9596 ha
Ptn 7 Farm 206 VAALBANK - 78,8009 ha
Ptn 0 Farm 90 GOEDE HOOP - 513,9192 ha
Ptn 0 Farm 135 PIERRE - 5,4732 ha

Totale grootte: 855,1529 ha

Hierdie deel is die hart van al die plase. Aangrensend aan Deel 1 en Deel 3, met die hoofwoonhuis en 'n tweede woning. Skaapvoerkraal met lamhokke en krippe onder dak. Groot store, koelkamer, slaggeriewe en groot klip- en pypkrale. Wildwerende omheining wat ge-elektrifiseer kan word.

Daar is 'n pragtige plaashuis met kameratorings om die hele plaas vanaf die kantoor dop te hou. Algehele radionetwerk vir kommunikasie met alle voertuie en ook met handradios. Drade is in 'n uitstekende toestand - 2,4 m hoog, met elektriese skuifhekke. Deel 2 is geskik vir wild- of beesboerdery, met 17 kampe, 23 waterkrippe, 5 gronddamme, 7 windpompe, 6 sementdamme, 4 dompelpompe, 1 sonpomp, 4 watertenks en 1 kraal.

Hierdie is een van die beste beesplase in die omgewing, met uitstekende infrastruktuur en lande wat tans onder sorghum geplant is vir voer. 'n Derde woning op die plaas word tans uitverhuur. Sien kaart aangeheg.

Eskom: 12 kVA-sonstelsels, 5 kVA-sonstelsel en 35 kVA bystand kragopwekker
Drakrag: 1/5 GVE
Jaarlikse reenval: 550-600 mm

Sien kaart en kontak die agente vir video en meer inligting.

DEEL 3

(BEKEND AS BRAKLAAGTE)

Ptn 0 Farm 25 BRAKLAAGTE - 532,6987 ha
Ptn 0 Farm 2 GROENVLEI - 256,9596 ha

Totale grootte: 789,6583 ha

Uitstekende beesplaas met moderne infrastruktuur, insluitend pragtige beeskrale, store en 'n huis. Die plaas is opgedeel in 35 kampe, 22 waterkrippe, 2 gronddamme, 4 windpompe, 6 sementdamme, 1 rondekrip, 1 monopomp, 1 sonpomp en 1 kraal. Daar is verskeie store en arbeidershuise. Die weidings bestaan uit sagte beesweidings, rooigras en smutsvinger. Die kampe is klein en goed bewerk. Deel 3 grens aan Dele 2 en 4.

Eskom-kragvoorsiening
Drakrag: 1/5 GVE
Jaarlikse reenval: 550-600 mm

Sien kaart en kontak die agente vir video en meer inligting.

DEEL 4

(BEKEND AS MERSA MATRUH)

Ptn 1 Farm 89 STEYNS RUST - 151,2192 ha
Ptn 1 Farm 315 ROODEKRAAL - 176,468 ha
Re of Farm 227 POPPIES DEEL - 299,8315 ha

Totale grootte: 627,5187 ha

Uitstekende beesplaas met van die beste weidings in die omgewing. Daar is mooi lande om te bewerk, 'n pragtige woonhuis en store, arbeidershuise, pyp-beeskrale en die moontlikheid van 'n windplaas (windturbine) en vleiweidings. Die plaas is verdeel in 23 kampe, 15 waterkrippe, 3 gronddamme, 2 windpompe, 4 sementdamme, 2 dompelpompe, 1 monopomp en 1 kraal.

Eskom-kragvoorsiening
Drakrag: 1/5 GVE
Jaarlikse reenval: 550-600 mm

Sien kaart en kontak die agente vir video en meer inligting.

DEEL 5: SAMEVOEGING VAN DELE 1, 2, 3 EN 4

Totale grootte: 2842,6952 ha

Hierdie eenheid is die volledige plaas, bestaande uit Dele 1, 2, 3 en 4. Verwys na die kaart.

Hierdie is een van die beste gevestigde plase in die Ventersburg-omgewing, en 'n seldsame geleentheid. Die drade, infrastruktuur, damme en waterstelsels is uitstekend. Daar is ongeveer 350 ha lande vir voerproduksie, insluitend smutsvingerweidings, besproeiing en natuurlike weidings. Die plaas het 88 kampe, 75 waterkrippe, 13 gronddamme, 15 windpompe, 19 sementdamme, 7 dompelpompe, 2 monopompe en 4 sonpompe. Daar is vier van die beste pypkrale in die omgewing, sewe watertenks en een rondekrip. Tans word daar met wild en bees geboer. 'n Kamerastelsel op torings word vanuit die huis beheer. 'n Radionetwerk verseker doeltreffende kommunikasie.

Hierdie unieke boerdery is oor 21 jaar opgebou tot 'n gesofistikeerde stoetveeplaas.